आर्थिक समृद्धिको नेतृत्व नेपाली काँग्रेसले गर्छः भरतराज ढकाल

राजनीति

गृहपृष्ठ
राजनीति
आर्थिक समृद्धिको नेतृत्व नेपाली काँग्रेसले गर्छः भरतराज ढकाल

आर्थिक समृद्धिको नेतृत्व नेपाली काँग्रेसले गर्छः भरतराज ढकाल

शुक्रबार, फागुन ८, २०८२ Shree Sansar

काठमाडौं- नेपाली काँग्रेसका नेता एवं स्याङ्जा क्षेत्र नं १ का प्रतिनिधिसभा सदस्य उम्मेदवार भरतराज ढकालले आर्थिक समृद्धिको नेतृत्व नेपाली काँग्रेसले गर्ने बताउनुभएको छ । नेपाली काँग्रेसले थुप्रै परिवर्तनको नेतृत्व गरेको भन्दै ढकालले भन्नुभयो, “राजनीतिक नेतृत्वको परिर्वतन गर्यो । शान्ति स्थापनाको नेतृत्व गर्यो । संविधानका निर्माणको काम गर्यो । अहिले युवाले उठाएका आर्थिक समृद्धिका जुन माग छ त्यो पनि नेपाली काँग्रेसले पुरा गर्छ ।”
नेपाली काँग्रेस स्याङ्जा काठमाडौं सम्पर्क समितिले बिहीबार काठमाडौंमा आयोजना गरेको उम्मेदवार परिचयात्मक एव अन्तक्रिया कार्यक्रममा बोल्दै उहाँले स्याङजा जिल्ला कुनै पनि कुरामा कमी नभएको बताउनुभयो । हामी प्राकृतिक सम्पदामा धनी छौँ । हामी बौद्धिक र जुनसुकै क्षेत्रमा पनि अगाडि छौँ । त्यसकारण नेपाल समृद्धि बन्दै गर्दा सबैभन्दा पहिला स्याङ्जाबाट सुरु गर्नुपर्दछ भन्ने मेरो मान्यता हो ।
आर्थिक समृद्धिका लागि नेपालमा सबैभन्दा बढी सम्भावना भएका क्षेत्र कृषि, पर्यटन, जलस्रोत र प्रविधि भएको ढकालले बताउनुभयो । उहाँले भन्नुभयो, “यी सबै कुराहरुलाई जोड्न र देशमा रोजगारीको अवस्था सिर्जना गर्न गाउँमा रहेका मानिसहरुलाई आर्थिक समुन्त बनाउन एउटा बलियो इकोसिष्टम बनाउनुपर्ने अवस्था रहेको छ । त्यसको लागि छरिएर रहेका समुदायलाई संस्थागत गर्नुपर्दछ ।”
नेपालको आर्थिक समृद्धिको सबैभन्दा ठूलो आधार भनेको निजी क्षेत्र हो । जबसम्म हामीले निजी क्षेत्रलाई बलियो रुमा अगाडि बढाउन सकिदँैन तबसम्म आर्थिक समृद्धिका कामहरुलाई अगाडि बढाउन नसकिने काँग्रेस उम्मेदवार ढकालले बताउनुभयो ।
जवसम्म समुदाय, सरकार र बलियो निजी क्षेत्रलाई सँगसँगै लिएर जान सक्दैनौँ तब सम्म युवाहरु र जनताले खोजको कुरा पुरा गर्न सकिदैन् । त्यसको लागि हामीले काम गर्छौँ र जनताले दिएको मत र विश्वासलाई कहिल्यै पनि तलमाथि नगर्ने प्रण समेत गर्दछौँ ।

प्रकाशित मिति: शुक्रबार, फागुन ८, २०८२ १०:१७

प्रतिक्रिया दिनुहोस्